Бүгінгі таңда елімізде 107 қалалық және 500 жеке жағажай суға шомылу үшін белгіленді, деп хабарлайды ortcom.kz тілшісі.
«Суға шомылуға тыйым салынған 1 мыңнан астам орын белгіленді, ол жерлерде 1510 ескерту белгілері және адамдардың қаза болу фактілері, себептері мен оған ықпал еткен жағдайлар жазылған 378 көрнекі стендтер орнатылған», - деді Қазақстан Республикасы Ішкі істер министрінің орынбасары Юрий Ильин.
Ал жеке жағажайларда кезекшілік ету үшін ТЖК бөлімшелерінде арнайы даярлықтан өткен қоғамдық құтқарушы-жасақшылар есебінен 114 объектілік құтқару бекеті құрылды.
Су айдындарының қауіпті және қорғалмайтын учаскелерінде жедел-құтқару жасақтары қосымша 53 мобильді құтқару бекеттерінің кезекшілігін ұйымдастырды. Су қоймаларына жақын орналасқан 45 балалар лагерінде құтқарушылар жағажайдың түбін тексеріп, құтқару жабдықтарын тексеріп, ақпараттық стендтер орнатты.
«Жыл сайын адамдардың суда қаза болуының негізгі себебі судағы қарапайым қауіпсіздік ережелерін бұзу болып табылады, жүргізіліп жатқан жұмысқа қарамастан, судағы қауіпсіздік шараларын алдын алу бойынша ел халқы, артық өзіне-өзі сенімділік, өз күштері мен мүмкіндіктерін қайта бағалау, судағы қарапайым тәртіп ережелерін елемеу салдарынан жыл сайын су айдындарындағы оқиғаларға ұшырайды», - деп Юрий Ильин халықты сақтыққа шақырды.
