Оның мәлімдеуінше, қадағалауды күшейту үшін биыл сәуір айында аумақтық экологиялық департаменттерге жауапты тұлғалар тағайындалған Заңсыз қоқыс полигондарын анықтау және жою жөніндегі жедел штаб құрылды. Осы рейдтер аясында қосымша 488 қоқыс полигоны анықталды, оның 94-і жойылды.
«Қоқыс полигондарын жоюдың жай-күйі туралы ақпаратты жаңарту жылдамдығын арттыру үшін ғарыштық мониторинг жүйесіне деректерді енгізу функциясы жергілікті атқарушы органдарға берілді. Аумақтық экологиялық департаменттер анықталған қоқыс полигондарының координаттарын оларды жою және олардың орындалуын бақылау бойынша шаралар қабылдау үшін жергілікті атқарушы органдарға үнемі жіберіп отырады», – деді Е.Кожиков.
Сонымен қатар заңсыз қалдықтарды жоюдың алдын алу жөніндегі іс-шаралар жоспарлары жыл сайын құқық қорғау органдарымен және әкімдіктермен бірлесіп бекітіледі. Бұл жоспарларды жүзеге асыру үшін үш мемлекеттік органның қызметкерлерінен тұратын мобильді жұмыс топтары құрылды.
Айта кетерлігі, ғарыштық мониторингтің қамту аясын кеңейту, бақылауды цифрландыру, ведомствоаралық ынтымақтастықты және бұзушылықтар үшін жауапкершілікті күшейту бойынша қабылданып жатқан шаралар, сондай-ақ «Таза Қазақстан» бастамасы аясында жүргізіліп жатқан жұмыстар рұқсат етілмеген қоқыс төгетін орындар санын азайтуға және қоршаған ортаны бақылау тиімділігін арттыруға ықпал етуде.