Су тасқынының өтуін және қауіп-қатерді азайтуды ескере отырып, оңтүстік өңірлерде (105 елді мекен) су тасқыны жағдайларына байланысты 43 мың адам тұратын 276 елді мекеннің 171-ін су басу қаупі сақталуда, атап айтқанда, Батыс Қазақстан - 54, Қостанай – 37, Ақмола – 31, Ақтөбе – 17, Солтүстік Қазақстан – 13.
Орталық коммуникациялар қызметінде баяндама жасаған ҚР ТЖМ Төтенше жағдайлардың алдын алу департаментінің бастығы Рустамбек Амриннің хабарлауынша, еліміздің оңтүстік өңірлерінің жазық аумағы мен өзендерінде қар және мұз болғандықтан, су тасқыны қаупі азайды.
Сонымен қатар, Алматы, Шығыс Қазақстан, Жамбыл және Түркістан облыстарының тауларында қар сақталады, қардың белсенді еруі тау өзендерінде су тасқынына әкелуі мүмкін.
«7 сәуірдегі жағдай бойынша Ақмола, Алматы, Атырау, Шығыс Қазақстан, Батыс Қазақстан және Жамбыл облыстарында, Нұр-Сұлтан қаласында су басу жағдайлары болды. Соның салдарынан 15 елді мекенде көшелер мен аулаларды, 3 тұрғын үйді су басты, автомобиль жолдарында 6 рет судың тасуы болды. Құрбан болғандар мен зардап шеккендер жоқ», - деп мәлімдеді ТЖМ.