«Ғалымдарға тиісті жағдайлар жасалуда. Университеттерде жұмыс істейтін ғалымдар бөгде жұмыстардан босатылды. Олар тек осы жұмыспен ғана айналысады. Аймақтарда да осы мәселе бойынша жұмыс топтары, комиссиялар құрылды. Еліміздің ғылыми әлеуеті шоғырланған Алматы қаласында да «Ғылым орда» ғимаратында осы мемлекеттік комиссияның арнайы кабинеті ашылып, жұмыстар ұйымдастырылуда. Бұл ретте әдістемелік мәселелерді анықтау да өте маңызды. Бүгінде критерийлер, қаралатын мәселелер анықталды. Тиісті анықтамалар, брошюралар жасалып, таратылды», - деді ведомство басшысы.
Сонымен қатар, А.Аймағамбетов жұмыстар ғылыми негізде нақты мұрағаттарға сүйене отырып орындалатындықтан, тиісті рұқсатнама алынғанын атап өтті. Бұл ғалымдарға барлық мұрағаттарда жұмыс істеуге мүмкіндік береді.