«Біз азаматтық бастамаларды қолдау орталығына қатысты өсу және сын нүктелері, үкіметтік емес сектор көтеретін барлық мәселелер туралы білеміз және оларды шешу үшін жұмыс істейміз. Біріншіден, ықтимал сыбайлас жемқорлық тәуекелдерін болдырмау үшін, оның ішінде грант жеңімпаздарын іріктеу бойынша конкурстық процедураны өткізу кезінде орталық жұмысын айқын ету қажет. Қазір барлық жұмыс процестері өзгеруде. Конкурс комиссиясы жұмысының ашықтығын қамтамасыз ету басымдыққа айналады. Жаңа процедураларға сәйкес орталық конкурсқа қатысуға жіберілген әрбір өтінімге бірегей код береді және комиссия отырысын әлеуметтік желілердегі парақшада трансляциялайды. Комиссия мүшелерін іріктеу, үміткерлер арасында өтінімдерді бөлу де кездейсоқ іріктеу әдісімен тікелей эфирде жария түрде жүргізіледі. Бұл орталықтағы жаңашылдық. Екінші, «еститін орталық» және ҮЕҰ-ны гранттар тақырыптарын қалыптастыру процесіне тарту. Ағымдағы жылы орталық базасында ҮЕҰ ұсыныстарын жинау, мекен жай бойынша ұсынымдарды қалыптастыру үшін өзекті мәселелерді жария талқылау жүзеге асырылады. Біз осы ұсынымдарды ескере отырып, үкіметтік емес сектордың үміттері мен сұраныстарына сәйкес келетін гранттар жоспары мен тақырыптары қалыптастырылатынына сенімдіміз. Үшіншіден, гранттық жобаларды іске асыру кезіндегі бюрократиялық кедергілерге қарсы күрес. Әрине, орталық, заңнама аясында процедураларды кезең-кезеңмен жеңілдетеді. Грант алушылармен электрондық құжат айналымы енгізілуде, есептілік мерзімділігі қысқаруда. 2021 жылы ай сайынғы бағдарламалық есептердің орнына грант алушылар бағдарламалық құжаттаманы екі айда бір рет ұсынады. Бұл ретте есептілікті қарау мерзімі жеті жұмыс күніне дейін қысқартылды», - деді орталық басшысы.
Грант алушылардың, ҮЕҰ-ның орталықпен өзара іс-қимыл жасауына қанағаттану деңгейі және ұсынылған консультациялардың сапасы ұжым жұмысының өзіндік бір КРІ көрсеткіші болады.