«Алаңдаушылық тудырып отырған мәселе, «Спутник V» вакцинасының уақыт аралығы. Бұл аралық Ұлттық эпидемиологиялық және микробиологиялық ғылыми зерттеу орталығы директорының ресми мәліметі бойынша 45 күнді құрайды. Сонымен қатар, 2-ші компонентті 1-ші компонентті салдырғаннан кейін 21 күннен 90 күнге дейін алуға болады. 1-ші және 2-ші компоненттер арасындағы аралықтың жоғарылауы иммундық жауаптың күшіне әсер етпейтінін ескеруіміз қажет. Адамдардың көбінде COVID-19 қарсы вакциналар ауру тудырады деген қорқыныш әлі де бар. Бірақ ұсынылған вакциналардың ешқайсысында COVID-19 тудыратын тірі вирус жоқ. Демек, вакцинадан кейін адам COVID-19 ауруымен ауыра алмайды», - деді маман.
Оның айтуынша, кез келген вакцина секілді COVID-19 жұқпасына қарсы вакциналар да жанама әсерлер тудыруы мүмкін. Оларда көбі жеңіл түрде бірнеше күннің ішінде өздігінен кетеді. Бүгінде жүргізіліп отырған мониторингке сәйкес, Қазақстанда күтілетін реакциялар 0,3% құрайды. Оның ішінде 57% - жалпы реакциялар, 43% – жергілікті реакциялар.