19.05.2021 _ 14:00

МСМ ата-аналарды спорттық және шығармашылық үйірмелерге тегін қатысуға шақырады

Қазақстанда 4-тен 18 жасқа дейінгі 4 миллионнан астам бала бар, олардың үштен бір бөлігі ғана шығармашылық үйірмелер мен спорт секцияларына қатысады. Бүгін Орталық коммуникациялар қызметі алаңында осындай көрсеткіштер жария етілді. Вице-министр Ерлан Қожағапанов бұқаралық спортты дамыту және мемлекеттік тапсырыстың жаңа механизмі бойынша жүргізілген жұмыстар туралы баяндап, балалардың ата-аналарына үндеу жасады. Ол балалардың әлеуетін іске асырудың керемет мүмкіндігін пайдалануға шақырды, әсіресе мемлекет бұл үшін барлық мүмкіндіктерді жасап отырған кезде.

«37% деген не? Демек, 1,5 млн бала спорттық және шығармашылық секциялармен, үйірмелермен қамтылған. 2,5 миллионнан астам баланың мұндай мүмкіндігі жоқ, немесе ата-аналар үйірмелер мен спорт секцияларына баруға көп ақша жұмсайды. Бүгінде мемлекет жергілікті атқарушы органдар арқылы балалардың үйірмелер мен спорт секцияларына баруын қаржыландырады. Мен барлық ата-аналарды осы мүмкіндікті белсенді пайдалануға, порталға және мемлекет есебінен тіркелуге, кәсіби спорттан алып, балалар мен жасөспірімдер спортына бағыттайтын қаражат есебінен, өз балаларын спортқа, мәдениетке, шығармашылыққа баулуға шақырамын... бұл бірегей мүмкіндік. Оны белсенді пайдалануға шақырамын», - деді вице-министр.


Ақпараттық жүйеге artsport.edu.kz сілтемесі бойынша кіругеге болады. Сондай-ақ онда өңірлер бойынша үйірмелер мен секциялардың өзекті тізімі ұсынылған.