Оның айтуынша, бүгінде 2 076 841 адам COVID-19 қарсы 1-ші дозамен, 1 021 100 адам екінші дозамен егілді.
«Халық арасында коронавирустан болатын өлім-жітім жағдайын төмендету, ауыр сырқаттанушылық жағдайларын азайтып, тұрақтандыру мақсатында Үкімет және ДСМ тарапынан 3 вакцинаға қолжетімділік қамтамасыз етілді. Вакцинация жұмысы одан әрі тиімді және қолайлы болуы үшін арнайы мемлекеттік мекемелерде, медициналық мекемелердің жанынан 1300-ден аса егу пункті ашылды. Бұған қоса, бизнес және сауда орталықтарында жылжымалы егу пунктері ұйымдастырылды», - деді А.Қуатбаева.
Қоғамдық денсаулық сақтау ұлттық орталығының басқарма төрағасының орынбасары вакцинация әлеуметтік және экономикалық тұрғыдан коронавирус жұқпасына қарсы ең тиімді шара екендігін атап өтіп, халықты егілуге шақырды.