«Гам-Ковид-Вак (Спутник V) 10,3 млн доза көлемінде сатып алынды, оның ішінде ағымдағы жылдың 1 ақпанынан бастап өңірлерге бірінші компоненттің 1,9 млн дозасы және екінші компоненттің 1,4 млн дозасы жөнелтілді. 10 маусымға дейін бірінші компоненттің 1,2 млн дозасын және екінші компоненттің 525 мың дозасын жөнелту аяқталады. QazCovid-in-нің (QazVac) өңірлерге 100 мың дозасы жеткізілді. Келесі жеткізілім маусым айының соңына дейін жүзеге асырылады. Hayat-Vax-ты «Самұрық-Қазына» сатып алғаны өздеріңізге белгілі, өңірлерге 1 млн доза көлемінде тиісті логистика жүзеге асырылады. Сондай-ақ, өткен аптада бюджет қаражаты есебінен Coronavac вакцинасының 500 мың дозасы сатып алынды және 12 маусымнан кейін өңірлерге жеткізіледі деп күтілуде», - деді спикер.
Осылайша, бүгінгі таңда өңірлерге COVID-19 қарсы вакцинаның 4,4 млн дозасы жеткізілді. Вакциналарды аймақтарға үлестіру ҚР Денсаулық сақтау министрлігі Санитарлық-эпидемиологиялық бақылау комитетінің тапсырысы бойынша жүзеге асырылады.