«Облыстағы экономиканы әртараптандыру ісі агроөнеркәсіптік кешеннің әлеуеті есебінен жүргізіліп келеді. 2025 жылға дейін өңірімізде агроөнеркәсіптік кешен саласындағы жалпы құны 230 млрд теңгені құрайтын 46 инвестициялық жоба жүзеге асырылып, оның жартысынан көбі – биыл іске асырылады. Аймақтың азық-түлік тұрақтандыру қорында қазір 6,5 мың тоннаға жуық өнім бар. Ауылшаруашылық тауар өндірушілері мен сауда желілері жеңілдетілген несиелермен қамтамасыз етіліп, қаражат айналымын өсіру мүмкіндігін алды», - деді облыс әкімі.
Сонымен қатар, фермерлердің сауда нүктелеріне өнімдерін нарық бағасынан 10-15% төмендетіп беруі жөнінде меморандумдар жасалды. «Өрістен сөреге» қағидаты негізінде жұмыс істейтін фермерлік базарды іске қосу жоспарланған.