Бердібек Сапарбаев брифинг барысында «аяқпен жүрмейтін, көзбен көрмейтін» қарамағындағы қызметкерлерінің «жалқаулығына» бірнеше рет ұрынғанын айтты.
Өңір басшысының мәліметінше, көп балалы отбасыларға келетін болсақ, 74 елді мекенде АӘК алатын бірде-бір отбасы жоқ, демек олар жұмыс істейді.
«Ең басты мәселе - көпбалалы отбасылар мемлекеттік көмекті уақытылы алуы тиіс: жәрдемақы, азық-түлік және т.б., екінші мәселе - көпбалалы отбасы, анасы немесе әкесі, балалары еңбекке жарамды болса, біз оларды жұмысқа орналастыруымыз керек. Мұны істеу үшін алдымен оқыту керек, мамандық беру керек, содан кейін жұмыс ұсыну қажет. Мен өз сөзімде әлеуметтік дүкендер туралы айттым, қазір олардың кейбірінде көп балалы аналар жұмыс істейді. Осыдан екі күн бұрын Таразда «Әлеуметтік кәсіпкерлік» форумын өткіздік. Бұл, бірінші кезекте, көп балалы отбасыларды қолдауға, оларды оқытуға, оларға жұмыс беруге және мемлекеттік қолдау көрсетуге бағытталған. Былтыр ғана біз 10 млрд теңгеге грант тараттық, әрқайсысы 500 мың теңгеден тегін, кепілсіз. Биыл 5 айда – 3,5 млрд теңге», - деді әкім.
Айта кетейік, Таразда көпбалалы және мұқтаж жандарға қолдау көрсететін елордалық «Жанұя» орталығының аналогы пайда болды. «Бақытты отбасы» - оңтүстік орталық деп аталады.
Жауапты қорытындылай келе, Бердібек Сапарбаев «мен бұл мәселемен 10 жылдан астам уақыт айналысып келемін. Егер қазір не болғанын салыстыратын болсақ, онда өзгерістер бар. Жұмыстар одан әрі жалғасады».