«Тапшылық жоқ, «QazVac» - тың 30 мың дозасы қалды. Егер өңірлерде болмаса, онда толықтырылады. Иә, вакцина жеткізуді сұрайтын елдер бар, бірақ, ең алдымен, біз өз азаматтарымызды қамтамасыз етуіміз керек. Сондықтан маусым, шілде, тіпті тамыз айларында басқа елдерге жеткізу мәселесі тұрған жоқ. Қырғызстаннан ресми үндеу келді, оны кеше көрдік. Қыркүйек айында 600 мың доза деңгейіне жеткенде, бұл мәселені қосымша көтере аламыз», - деп жауап берді Премьер-Министрдің орынбасары.
Айта кетейік, «QazVac» балаларда сыналған жоқ. Мұндай клиникалық сынақтарға заң бойынша тыйым салынған. Бірақ Денсаулық сақтау министрлігі басқа вакциналар бойынша қосымша зерттеулердің нәтижелерін күтуде. Әзірлеушілер балаларды вакцинациялауға бола ма, жоқ па, нақты айтады. Қорытындыларды қарап, ведомство тиісті шешім қабылдайды.