«Шағын кәсіпорындар үшін Индустриялық аймақта орта есеппен 5 мың шаршы метрден болатын шағын өнеркәсіптік парктер - өндірістік үй-жайлар салынуда. Биыл 4 шағын өнеркәсіптік паркті іске қосу жоспарлануда. Қазіргі кезде Түрксіб, Алатау және Наурызбай аудандарында осындай бір-бір шағын парктер іске қосылды. Шағын өнеркәсіп парктерінің резиденттері үшін жылдық 2% жеңілдікпен қаржыландыру және 1 шаршы метр үшін 1200 теңгеден алаңды жалға алу қолданылады. «Алатау» ИТП арнайы экономикалық аймағы да белсенді дамуда. Жылдың басынан бері 8 жоба бойынша өндірістік алаңдарды жобалау басталды. Инвестициялардың жалпы сомасы 44,5 млрд теңгені құрайды, 1,6 мыңнан астам жұмыс орны құрылады», - деді қала әкімі.
Сауда қала үшін маңызды сала болып қала береді - ЖӨӨ-нің 32,9% - ы, жұмыспен қамтылғандардың 24,4%-ы осы салада жұмыс істейді. Биыл базарлар орнында 81 жаңа заманауи сауда нысанын іске қосу жоспарланып отыр. Қаланың онлайн-тауар айналымының көлемі де 2,3 есеге өсті.