«Сонымен қатар, «Шеврон» компаниясы қазақстандық кәсіпорындарға инвестициялау мақсатында жергілікті қамтуды дамытудың Тікелей инвестициялар қорын құрады. Ақпараттық технологияларды дамытуға, экологиялық мәселелерді шешуге және қазақстандық өнеркәсіптерді дамытуға, оларды қолдауға 200 млн доллар жұмсалады. Бүгінде осы бағытта белсенді жұмыстар атқарылуда. Осы саладағы елеулі шаралардың бірі - Халықаралық мұнай-газ машинасын дамыту орталығы. Бұл Теңізшевройл, Қашаған және Қарашығанақ компанияларының бірігіп және қазақстандық машина жасау ассоциациясының, «Қазэнерджи» құрылымдары және бірнеше қоғамдық ұйымның бірігіп жасаған жобасы. Ол да бірінші кезекте үш компанияның тұтынып отырған материалдары, құралдары, көрсетілетін қызметтеріне қазақстандық компанияларды тартуға, оларға қаржылық, әкімшілік және басқа да қолдаулар көрсетуге бағытталған»,- деді министр
ЭМ мәліметінше, бүгінде сатып алулардағы жергілікті қамтудың үлесі 46% - ды құрады.