«Соңғы 5 жылда егіс алқаптарының құрылымын әртараптандыру шеңберінде майлы дақылдар егістігі 1,7 есеге ұлғайды, дәнді және дәнді-бұршақты дақылдар алқаптары азайды. Айта кетейік, биыл да мемлекеттік қолдау негізгі ауыл шаруашылығы дақылдары мен мал шаруашылығы өндірісінің барлық циклін қамтыды. АӨК дамытуға 31,2 млрд теңге бағытталды. Ет өндірісінің 4,7% - ға және сүт өндірісінің 2,5%-ға өсуі тіркелді. Азық-түлік өнімдерінің экспорты бойынша облыс 2020 жылы елдегі жетекші орындардың бірін иеленгенін атап өткеніміз жөн. 300 млн АҚШ долларына азық-түлік экспортталды», - деді облыс басшысы.
Жыл ішінде 1 млн тонна дәнді дақылдар, 800 мың тонна ұн, 10 мың тонна өсімдік майы, 8 мың тонна сүт өнімдері, 416 тонна ет және қосымша ет өнімдері, 51 млн дана жұмыртқа экспортталды. Бұл ретте, экспорттық қоржында өсімдік майының көлемі 2 есеге, ұн - 35% - ға артты.