Спикер денсаулыққа байланысты қарсы көрсетілімдер болмаған жағдайда, екпе салдыруға шақырды.
«Қазақстан бойынша 2 млн астам адам 2-ші компонентпен егілді. Олардың арасында вирус жұқтырғандар саны тек 0,04 % ғана құрайды. Бұл да нақты көрсеткіштердің бірі. Дәрігерлер ақпараттық жұмыстар жүргізуде. Халыққа нақты деректер беретін адамдардың сөздеріне сеніп, шешім қабылдау керек. Әр адам вакцина салдыра ма, жоқ па, өзі таңдайды. Мысалы, ол егіледі, немесе мүлдем екпе салдырмаймын десеңіз, онда үйде жатып, бұл індет біткенше оны жұқтырмас үшін үйден шықпаңыз, не болмаса, 7 күн сайын ПТР тест тапсыру. Сонымен қатар, әлеуметтік ара қашықтықты сақтау, маска тағу, қол жуу сияқты басқа да шараларды мндетті түрде қабылдау қажет. Бұл талаптар жаңа штамдарды жұқтырмас үшін вакцина қабылдаған адамдарға қойылады. Себебі әлі ұжымдық иммунитет қалыптасқан жоқ», - деді Смағұл.
Оның айтуынша, вакциналарды сынау мерзімі емес, вакцинаны тіркеу мерзімі қысқартылды. Бұл пандемияға байланысты қабылданған шешім. Бірақ вакцинаның қауіпсіздігіне, бүкіл клиникалық зерттеуіне қойылатын талаптар орындалды. «Спутник V» және «QazVac» вакциналарының 3-ші кезеңі 4-ші кезеңмен бірге өткізілді. Бүгінгі күні бұл шешім өзінің тиімділігін көрсетіп отыр.