Эпидемиологиялық жағдай матрицасына сәйкес Қазақстан Республикасы мен елдің 16 өңірі қызыл аймақта орналасқан. Сары аймақта тек Түркістан облысы ғана. жалпы республика бойынша барлық өңірлерде соңғы екі аптада алдыңғы екі аптамен салыстырғанда сырқаттанушылықтың өскені байқалады. Сырқаттанушылықтың өсуі 1,9 есе құрады. Бұл туралы бүгін Орталық коммуникациялар қызметінде өткен брифингте Денсаулық сақтау министрі Алексей Цой мәлімдеді.
«Маусым айымен салыстырғанда орташа тәуліктік сырқаттанушылық 5,2 есе өсті. 1 шілдемен салыстырғанда елімізде инфекциялық және реанимациялық төсек-орындардың қамтылуының 3 есе үдемелі өскені байқалады. Осыған байланысты елімізде төсек-орын қоры 1,4 есеге артты. 28 шілдедегі жағдай бойынша республика бойынша инфекциялық төсек-орындардың 53%-ы, реанимациялық төсек-орындардың 43%-ы бос емес», - деді А.Цой.
Алматы, Шымкент қалаларында, Ақтөбе, Түркістан және Қызылорда облыстарында инфекциялық және реанимациялық төсек-орындар саны жоғары қарқынмен артқаны тіркелді.