«2020 жылға дейін Қазақстанда республикалық маңызы бар жолдардың 13 мың шақырымға жуығы реконструкцияланды, бұл республикалық желінің 90%-ын және жергілікті желінің 75%-ын нормативтік жағдайға жеткізуге мүмкіндік берді. Жалпы, Ұлттық жобаға сәйкес республикалық маңызы бар жолдардың 12 мың шақырымын құрылыс және реконструкциямен, ал 11 мың шақырымын жөндеумен қамту көзделіп отыр. Сондай-ақ, жергілікті жолдарының 25 мың шақырымына жөндеу жүргізу жоспарланған», - деді Камалиев.
ҚР ИИДМ мәліметінше, Қазақстанда автомобиль жолдарының желісі 157 мың шақырымды құрайды, оның ішінде 25 мың шақырымы - республикалық жолдар, 71 мың км -жергілікті жолдар, сондай-ақ 61 мың км қала мен елді мекендердің автомобиль жолдары.