Оның айтуынша, Қазақстан аумағындағы карталар соңғы рет өткен ғасырдың соңында – 80-90 жылдары жаңартылған.
«Өзекті картографиялық-геодезиялық материалдар мен деректер мемлекеттік басқару, елдің инфрақұрылымын дамыту, мемлекеттің қорғанысы мен қауіпсіздігін қамтамасыз ету және басқа салаларда, сондай-ақ навигациялық қызметтер бағытында маңызды және қажетті геокеңістіктік негіз болып табылады. 2005 жылдан бастап Қазақстан территориясының топографиялық карталары цифрландырылып, жаңартылды. Аумақтың 65% және 58% аэротүсірілім жасалды.
Қазіргі таңда республикалық маңыздағы 3 қаланың, Түркістаннан басқа 13 облыс орталығының топографиялық жоспарлары жасалды. Түркістан қаласының топографиялық жоспары биыл жасалып бітеді», - деді комитет басшысы.
Сонымен қатар, 51 қала/моноқала/шағын қаланың, 54 аудан орталығы мен 209 елді мекеннің цифрлық жоспарлары құрылды.