«Ауру динамикасын қарайтын болсақ, аурушаңдық тамыз айынан бастап айтарлықай азайған. Мәселен, шілде айында 6192 жағдай тіркелсе, тамызда науқастар саны 3828 адамды құрады. Ал қыркүйекте тамыз айымен салыстырғанда төмен болады деп болжап отырмыз. Облыста эпидемиологиялық жағдайды тұрақтандыру үшін бірқатар қатаң карантиндік шектеу шаралары қабылданды. Демалыс күнгі локдаун енгізілді», - деді облыс әкімінің орынбасары.
Сонымен қатар, өңірде вакцинация басталғалы 218 050 адам екпенің бірінші компонентімен, 190 469 - екінші компонентпен егілді. Бүгінгі күні медицина қызметкерлері, педагогтар, мемлекеттік қызметшілер және құқық қорғау органдарының қызметкерлері КВИ қарсы 100 пайыз егумен қамтылды.