Генерал-майор қазіргі жиынның ерекшеліктеріне тоқталды.
«Біріншіден, жиынға қатысушылар саны 2 есе артты. Егер өткен жылдары қатысушылар саны 300-ден 500-ге дейін өзгерсе, биыл қатысушылар саны 1 110 адамды құрады. Бұл еліміздің барлық өңірлерінен 74 қатысушы команда: қалалар мен облыстардың 51 әскери-патриоттық клубы, әскери құралымдардың 17 әскери-патриоттық клубы, сондай-ақ «Жас Ұлан» республикалық (облыстық) мектептерінің 5 командасы және С. К. Нұрмағамбетов атындағы әскери колледж командасы. Сонымен қатар, онлайн-жиынға қатысушы командалардан басқа, жеке конкурстар мен жарыстарға «Айбын» мобильді қосымшасында тіркелген және конкурс пен жарыстардың барлық шарттарын орындаған 14-18 жас аралығындағы әрбір адам жеке тәртіппен қатыса алады. Екіншіден, бағдарламаға екі жаңа конкурс енгізілді: жас журналистер арасындағы «Жас Сарбаз – жас тілші» және тоғызқұмалақ ұлттық ойыны бойынша онлайн-турнир. Үшінші: жиын өткізілген 6 жыл ішінде алғаш рет тұрақты негізде ұлттық әскери-патриоттық орталық алаңында жас патриоттарға арналған алаң - «Жас Сарбаз Хаб» коворкинг-орталығы іске қосылады. Бұл «Айбын» жиынының фронт-офисі, брифинг залы және «Жас Сарбаз Медиа» студиясы орналасатын әскерге шақырылуға дейінгі жастарды әскери-патриоттық тәрбиелеу бойынша жұмысты ұйымдастыру және өткізу үшін құрылған алғашқы жұмыс кеңістігі», - деді спикер.
Биылдан бастап алғаш рет патриоттық жұмысты үздік ұйымдастырғаны үшін арнайы номинация енгізіледі. Жеңімпазға географиялық орналасуына қарамастан облыс, қала, ауыл «Патриоттар мекені» ауыспалы кубогын табысталады.
Байқау барысын веб-сайт және «Айбын» мобильді қосымшасы арқылы интернет-қолданушылары бақылай алады. Бұл сайыстың ашықтығын қамтамасыз етеді.