«Интервьюерді қалай тануға болады? Интервьюерде санақ логотипі бар көк шарф және сөмке болады. Электрондық санақ парақтары бар планшет, сондай-ақ, бейдж-куәлік беріледі. Бұл куәлікте аумақтық статистика департаменті басшысының қолымен және мөрімен расталған интервьюердің фотосуреті, толық аты-жөні болады. Куәліктің жоғарғы бөлігінде тіркеу нөмірі көрсетіледі. Бұл нөмірді sanaq.gov.kz сайтында «интервьюерді іздеу» жолағына енгізуге болады, содан кейін сайтта интервьюердің деректері көрсетіледі. Сондай-ақ, интервьюердің жеке басын 1446 нөміріне қоңырау шалу арқылы да тексеруге болады. Әрбір интервьюермен өтеулі қызмет көрсету туралы арнайы шарт жасалған. Онда тараптардың міндеттемелері егжей-тегжейлі сипатталған. Негізгі шарттан басқа, сауал салу жүргізу барысында респонденттер айтқан дербес деректерді үшінші тұлғаларға жарияламау туралы келісімдер жасалды», - деді Айдапкелов.
Оның айтуынша,, интервьюерлердің жалақысы 30 күнде 104 мың теңгені құрайды. Ал нұсқаушы-бақылаушылардың 45 күндік жұмысы үшін төлем 125 мың теңгені құрайды.