Ол аурухана желісіне 5 стационар қайтарылғанын және үшінші деңгейдегі 3 госпиталь консервацияланғанын атап өтті.
«25 компьютерлік томография кабинеті жұмыс істеп тұр. Облыстық бюджет есебінен 40 медициналық ұйымда кеуде қуысы ағзалары тобының бастапқы диагностикасы үшін қажетті заманауи цифрлық рентген-аппараттар орнатылды. Облыста жалпы қуаттылығы тәулігіне 15 мың тесттен асатын 10 ПТР-зертхана бар. Пандемияның сын-қатерлеріне қарамастан, халықтың медициналық көмектің нақты түрлеріне қажеттіліктерін ескере отырып, денсаулық сақтау инфрақұрылымын жетілдіруді жалғастырудамыз. 105 бірлік медициналық жабдық сатып алу жоспарланған; ағымдағы жылдың соңына дейін қосымша 5 компьютерлік томограф орнату көзделген: оның 2 - і қалаларда және 3-і Жаңаарқа, Осакаровка және Қарқаралы аудандық ауруханаларында», - деді спикер.
Сонымен қатар, облыста құны 3 млрд теңгеден асатын 7 денсаулық сақтау нысанының құрылысы жүргізілуде. 200 төсек-орындық облыстық балалар ауруханасының, онкодиспансердің операциялық-реанимациялық блогының құрылысы жалғасуда, Қарағандыда 2 жедел жәрдем станциясы және т.б. жобалар пайдалануға беріледі.