«Бұл кезеңде алдымен осы топ вакцинацияланады. Кейбір өңірлерде тоңазытқыштар орнатылды, алдымен олар іске қосылады, суық тізбек тексеріледі, тек содан кейін ғана вакцина әкелінеді. Pfizer вакцинасының логистикасы өте күрделі болғандықтан, қалалар бойынша бірнеше нүкте анықталады. Біз міндетті түрде әрбір облыста болатын байланыс нөмірлерімен хабардар етеміз, осы адамдар тобы үшін вакцинацияның қандай пункттері іске қосылатынын айтамыз. Бір айда шешілетін мәселе», - деді ведомство басшысы.
Ол сондай-ақ басқа да мәселелер бойынша түсінік берді. Ревакцинацияға дейін антиденелерді тексеру қажет пе? Талдау арзан емес, ықтимал пациенттер бас тартуы мүмкін.
Алексей Цой тест ерікті түрде жүргізілетінін айтты.
«Егер азаматтар вакцина алған болса, оның белгілі бір қорғаныс дәрежесі бар. Азаматтар антиденелердің төмендегенін, баяулағанын байқағанда, біз оларға екпе салдыруға мүмкіндік береміз, бірақ, ең алдымен, коронавирустық инфекцияны жұқтырудың ең үлкен қаупіне тап болған бірінші шептегі жұмысшылар ревакцинацияланады. Уақыт келгенде біз де ревакцинацияға барамыз, бірақ мысалы, мен антиденелерді тексермеймін. Бұл қажет деп ойламаймын», - деді министр.