2025 жылға дейін халықтың 88,5% «Рухани Жаңғыру» бағдарламасының жобаларымен; мектеп жасындағы балалардың 100% мәдени тәрбиемен қамту; «оқитын ұлт» жобасы шеңберінде халықтың оқырман белсенділігін 40% дейін арттыру; сондай-ақ меценаттар қаражаты есебінен 3000 нысан салу және жөндеу жоспарланған.
Екінші бағыт «Ел Рухы» деп аталады және мәдениет саласындағы қызметтердің қолжетімділігін арттыру, сондай-ақ отандық мәдени өнімдерді, оның ішінде шетелдерде ілгерілету жөніндегі шаралар кешенін біріктіреді.
«Бұл үшін 2025 жылға қарай 13 ірі іс-шара өткізу, 5 нақты нәтижеге қол жеткізу көзделген. Атап айтқанда, инфрақұрылымды дамыту, оның ішінде жаңа мәдени объектілер салу арқылы ауыл және шалғайдағы елді мекендер тұрғындарының 92,5% мәдениет саласы қызметтерімен қамту қамтамасыз етілетін болады. Жалпы, мәдениет нысандарына бару санын екі есеге, ал халықтың мәдениет саласындағы қызметтер сапасына қанағаттану деңгейін 75% дейін арттыру жоспарланған. Осы мақсаттар үшін 250 жаңа мәдениет нысаны салынады және жұмыс істеп тұрған 1200 мәдениет нысаны күрделі жөндеуден өтеді; еліміздің шығармашылық әлеуетін тікелей қолдау арқылы отандық мәдени өнімдерді өндіру жүйесі құрылады, оның ішінде кинопрокаттағы отандық фильмдердің үлесі 25% дейін арттырылады, жаңадан құрылатын «Қазақанимация» шығармашылық бірлестігі базасында 40 жуық анимациялық фильм шығарылады, сондай-ақ үлкен шығармашылық келешегі бар талантты тұлғалардың 150 жобасына қолдау көрсетіледі», - деді ведомство басшысы перспективалармен бөлісе отырып.
Ол отандық мәдениеттің барлық жетістіктерімен онлайн режимде танысуға мүмкіндік беретін «e-culture.kz» бірыңғай электрондық платформа жобасына ерекше тоқталды. Мысалы, үйден шықпай Жер шарының кез келген нүктесінен мұражайлар мен театрларға, кітапханаларға және басқа да мәдени көрікті жерлерді аралауға болады.