Тағы бір маңызды жоба - «Агроөнеркәсіптік кешен субъектілерін қолдау жөніндегі 2022 жылға арналған іс-шараларды жүргізу үшін «Аграрлық несие корпорациясы» АҚ несие беру».
«2022 жылы бюджеттік несие есебінен 70 млрд теңге көлемінде 2 400 агроөнеркәсіптік кешен мен АШТӨ субъектілерін, 400-ге жуық жаңа қарыз алушыларды қаржыландыру жоспарланған. Қаржы 3 млн га егіс алқаптарын қамтитын көктемгі егіс және күзде егін жинау жұмыстарына берілетін болады. «Түркістан қаласының шығыс айналма жолының құрылысы» жобасының негізгі мақсаты - транзиттік ағындардың көмегімен Түркістан қаласын айналып өтіп, транзиттік көліктің өтуін қамтамасыз ету», - деді спикер.
Жалпы ұзындығы 30 шақырымға жуық 4 жолақты қозғалыс автожолын салу көзделген. Нұр-Сұлтан қаласындағы қолданыстағы айналма автомобиль жолын мысалға ала отырып, жобаны іске асыру жолдағы уақытты қысқартып, жаңа жұмыс орындарын құрумен байланысты экономикалық тиімділікке әкеледі.