«Осыған байланысты «Қуатты өңірлер – ел дамуының драйвері» ұлттық жобасын іске асыру аясында биыл жыл соңына дейін жалпы ұзындығы 5,8 мың шақырым болатын учаскелерде жол жүру үшін ақы алудың ашық жүйесін кезең-кезеңімен енгізу көзделген.
Бұдан бөлек, ақылы автомобиль жолына іргелес ауданда/елді мекенде тіркелген жеңіл көлік үшін құны 1000 теңге болатын жылдық абонемент қарастырылған. Ол 365 күнтізбелік күнге, ақылы учаскенің барлық маршрут үшін, екі бағытқа да қолданылады», - деді ведомство өкілі.
Оның айтуынша, алымдардан түскен қаражат «ҚазАвтоЖол» ҰК» АҚ ұлттық операторының шотына түседі және осы учаскелерді күтіп ұстауға бағытталады. Бұл «Автомобиль жолдары туралы» ҚР заңына сәйкес автокөлік құралдарының жүріп өтуінің қауіпсіздік талаптары мен қолайлы шарттарын толық көлемде қамтамасыз етуге мүмкіндік береді.