«Тұжырымдама жаңа инвестициялық циклды қалыптастыруға және коронавирустық инфекция пандемиясынан туындаған жаңа трендтерді ескере отырып, инвестициялар тарту саясатын қайта қарауға мүмкіндік береді. Нәтижесінде, еңбек өнімділігін арттыруға және экспорттық қоржынды күрделендіруге бағытталған сапалы инвестициялар тартуға бағытталған жүйелі шаралар іске асырылатын болады. Тұжырымдаманы іске асыру үшін жүйелі және салалық шараларды іске асыру жөніндегі егжей-тегжейлі іс-қимыл жоспары әзірленетін болады. Тұтастай алғанда, аталған барлық жағдайларды жасау экономиканы дамытудың және халықтың әл-ауқатын арттырудың түйінді драйверіне айналатын жаңа инвестициялық циклды іске қосуды қамтамасыз етеді», - деді Ұлттық экономика вице-министрі.
Сондай-ақ, заңнама жетілдіріледі, елдік, салалық және өңірлік инвестициялық тартымдылық арттырылады.