«Биыл Қазақстан Республикасы Тәуелсіздігінің 30 жылдығын мерекелеуге дайындық жөніндегі мемлекеттік комиссияның отырысында Президент Қасым-Жомарт Тоқаев әлемдік экономиканың ең жылдам дамып келе жатқан сегменттерінің бірі талантты жастардың креативті индустрияны құрудағы роліне тоқталды. Ал біз креативті индустрияларды құру және дамыту арқылы ұлттық мәдениетті насихаттауымыз керек.
ЮНЕСКО-ның бағалауы бойынша, 2018 жылы 30 миллионға жуық адам жұмыс істейтін жаһандық креативті индустрияның кірісі 2,3 триллион долларды құрады және таяу жылдары әлемдік ЖІӨ-нің 10 пайызына жетеді. Біздің еліміз дүниежүзілік креативті индустриялар картасында өз орнын таба алады және алуға тиіс, өйткені жаһандық контекстте қазақ және кеңірек айтқанда, түркі мәдениеті ежелгі қалалардың мұрасын біріктіретін өзгеше өркениет ретінде әлі де аса қатты танылмады», - деді спикер.
Оның айтуынша, мәдениетті, өнерді, инновацияны, технологияны, кәсіпкерлікті және инвестицияны біріктіретін шығармашылық және инновациялық кластерлерді дамытудың облыс орталықтарын дамытудағы экономикалық тиімділігі үлкен және қалалар мен аудандардың мәдени орталықтарға айналуының әлемдік мысалдары көп: Бильбао, Ливерпуль, Лондон Шоредич, Нью-Йорк Брайант Парк, Берлин Кройцберг.