Оның айтуынша, аталған жобалар бойынша мемлекеттік қолдау көлемі шамамен 3,8 млрд теңгені құрады. Өңірде тұрғын үй құрылысы да белсенді дамып келеді.
«30 жыл ішінде 6 млн шаршы метрден астам тұрғын үй салынды. 53 мыңнан астам отбасы жаңа баспанаға ие болды. Биылғы жылдың 10 айында 418 мың шаршы метр тұрғын үй пайдалануға берілді, өткен жылмен салыстырғанда өсім 5% - ды құрайды. Кезекте тұрғандарға 665 пәтер берілді. Жыл соңына дейін кезекте тұрғандар үшін тағы 707 пәтер салынады. Сонымен қатар, «Бақытты отбасы» бағдарламасы бойынша 200 отбасы пәтер алды, тағы 60 отбасы құжаттарын рәсімдеуде. Кезекте тұрған 66 азамат пәтер үшін бастапқы жарна түрінде мемлекеттік тұрғын үй сертификатын алды»,- деді спикер.