«Ол жерде 4 геопортал бар. Атап айтқанда, өрт қауіпсіздігін анықтау, орманды заңсыз кесуден қорғау, орманда заңсыз құрылыс жүйесін салу, сондай-ақ орманды жаңарту түрлері бойынша интерактивті карта жасалды. Биыл елімізде 111 заңсыз ағаш кесу жағдайы тіркелген, оның ішінде кесілген ағаштың көлемі 5 мың текше м құрады. Жалпы, келтірілген залал көлемі - 97 млн теңге. Мұның бәрін біздің инспекторлар анықтады. Сонымен қатар, 1 желтоқсаннан бастап қылқан жапырақты ағаштарды қорғау акциясы өтіп жатыр. Әр мекеме, әр ұлттық парк, әр қорық осы жұмыстарды атқаруда. Бұдан бөлек, БАҚ-та, әлеуметтік желілерде ағашты кеспеу туралы ақпараттар көп беріледі», - деді спикер.
Ерлан Құтпанбаев Қазақстанда тек елімізде өсіп, климатымызға, табиғатымызға тән ағаштар ғана отырғызылатынын атап өтті.