Өткен жылдағыдай, кентішілік жолдарды жөндеу бойынша үлкен жұмыстар жалғасын тапты. 44 ауылда асфальт төселді. Биыл жақсы жолдардың үлесі 74% құрады.
«4 жылда 98% жеткіземіз. Жөндеу жұмыстарымен 2,1 мың шақырым жол қамтылады, осы жолдардың бойында 350 ауыл бар. Өңір үшін өзекті мәселелердің бірі - сумен жабдықтау. 2021 жылы облыс бойынша қаржыландыру 1,8 есеге, 11,4 млрд теңгеге дейін ұлғайтылды. 49 елді мекенде ауыз судың сапасы артты. Біз үшін басты индикатор – үйдегі су. Бір жыл ішінде ауылдарда 159 км желі тартылып, 3 мың отбасы орталық сумен жабдықтауға қосылды. 18 ауыл қосылған Преснов топтық су құбырының екінші кезегі іске қосылды, онда 11 мың адам тұрады. Келесі жылы сумен жабдықтау саласына шамамен 9 млрд теңге бағытталады», - деді әкім.
Алдағы 4 жылда 78 ауылда су мәселесі шешілетін болады. Ауыл тұрғындарын сумен қамтамасыз ету 83,5-тен 100% - ға дейін артады.