«Біз мемлекеттік тілді меңгеру деңгейін анықтау бойынша QAZAQ RESMI TEST-ті онлайн түрде ақысыз тапсыруды ұйымдастырдық. Бұл үшін академия қатысушылары үшін тегін 10 мыңға жуық промокод бөлдік. Сондай-ақ, Президенттік жастар кадр резервке тіркелген үміткерлер үшін QAZAQ RESMI TEST-ті ақысыз тапсыруға дайындалу бойынша онлайн курстар қарастырылды. 2021 жылғы 12-17 қазан аралығында академиялық орта өкілдері мемлекеттік қызметшілер мен бизнес қауымдастықтары өкілдері қатарынан 103 сарапшы ситуациялық тапсырмалардың шешімін бағалады. Бағалауды бір уақытта 3 тәуелсіз сарапшы жүргізді. Ситуациялық тапсырмаларды шешу кезеңіне 514 үміткер қатысып, олардың ішінде 235 үміткер ең жоғары балл жинап, олар құзыреттерді бағалау ассессмент орталық кезеңіне қатысуға мүмкіндік алды. 2021 жылғы 25-30 қазанда 227 үміткерге ассессмент орталық өткізілді. Ассессмент кезінде фасилитаторлардың басшылығымен асесорларды бағалау формалары толтырылып, 5 құзыреттілік бойынша үміткерлердің қорытынды бағаларын қою үшін интегралды сессиялар өткізілді. Супервизияны жүзеге асыру үшін барлығы 4 фасилитатор, 2 әкімші және 1 процес үйлестіруші жұмылдырылды. Іріктеудің әр кезеңінде қатысушылар өздерінің өсу аймақтарын көруге және одан ары өзін-өзі дамыту туралы түсінік қалыптастыруға мүмкіндік алды. Әрбір резервшіге ассессмент орталықтың нәтижелері бойынша есеп жіберілді. Бұл есеп үміткерлердің одан ары даму жоспарын әзірлеу үшін негіз бола алады», - деді спикер.
Оның айтуынша, медиажоспарға сәйкес, БАҚ, әлеуметтік желілерінде ақпараттық жобаны сүйемелдеу жүргізілді.