«Жаңа жол» ЖШС жобалау институты жобалау кезінде қателіктер жіберді. Жобаны жасау барысында жергілікті аймақтың топырағын пайдалану көзделген болатын, бұл жобалық-сметалық құжатқа толығымен енгізілді. Ал жұмыс басталғанда ол топырақтың сапасы жол құрылысының сапасымен келіспеді. Арасында тұздалған, гипс қосылған топырақ болды. Жол салып жатқан мердігерлердің айтуынша, бұл топырақты пайдаланудан жолдың сапасы төмендейді. Сол себептен құрылыс компаниясы жазаға тартылып, оларға қайта тапсырма берілді. Олар өз ақшасына жобаны қайта қозғап, жаңа шешімдер табуы тиіс. Жобалық-сметалық құжаттама қайта қаралып, басқа шешімдер табылып, өткен жылдың соңында жоба сараптамадан өтті. Қазір толығымен жұмысқа кірісіп жатырмыз. Ақшасы қарастырылған. 2022 жылы жолда көлік қозғалысын бастай мәселесі көтеріледі. Ал келесі жылы толық аяқтау көзделген», - деді министр.
Ведомство басшысының айтуынша, «Құлсары –Мұқыр» жолының техникалық экономикалық негіздемесі жасалып, сараптамадан өтіп жатыр. Наурыз айында сараптама аяқталады деп күтілуде. Содан кейін жобасы бекітіліп, қаржы тетіктері қарастырылып, жұмысты 2024 жылы бастау жоспарланған.