«Әлеуметтік желілерде таратылған екі мифті сейілткім келеді. Өзіме жиі сұрақтар қойылады: «Менің идеяммен не болады? Оны ұрлап кетуі мүмкін бе? Мұндай тәуекелдер бар ма?». Шындығында идеялар көп. Жай ғана Google-ды ашсаңыз, мыңдаған идея шығады. Мәселе мұнда ғана емес. Біз идеялар байқауын өткізіп жатқан жоқпыз, бұл дарынды болашақ кәсіпкерді анықтау, оны тәрбиелеу және оған қолдау көрсету жөніндегі байқау. Шын мәнінде, осы идеяларды жүзеге асыра алатын адамды анықтауға бағытталған конкурс. Мәселе, бұл жобаны жүзеге асыратын командадада. Екінші миф: «Жобаға инвестиция салатын періштелер менің жобамды алып, өздері жүзеге асыратын шығар?». Біріншіден, бизнес періштелердің тізіміне қарасаңыз, бұл Қазақстанда ғана емес, жаһандық деңгейде жұмыс істеп жүрген табысты адамдар. Олар үшін бұл әлеуметтік жауапкершілік: көмектесу, қолдау, жаңа Қазақстанды құруға үлес қосу. Бұл өте бай, табысты адамдар. Олар таңдауға, ақша беруге, инвестициялауға, тәлімгерлік қолдау көрсетуге ниетті. Оларды қошеметтеп, алғысымызды білдіруіміз керек», - деп жауап берді кәсіпкер.