«Бұл ең озық қолжетімді технологияларды енгізе отырып, кешенді рұқсаттарға көшу, бұл перспективада ірі компаниялардың шығарындыларын 60%-ға қысқартуға мүмкіндік береді; тұжырымдамалық жобаны әзірлегенге дейін көзделіп отырған қызметтің бастапқы кезеңінде қоршаған ортаға әсер етуге бағалау жүргізу. Сараптама кезеңдеріне жұртшылықты тарту; мемлекеттік жоспарлау құжаттарына стратегиялық экологиялық бағалау; 1-санаттағы объектілер үшін шығарындылар мониторингінің автоматтандырылған жүйесін міндетті енгізу. Яғни, 1-санаттағы барлық кәсіпорындар мониторингтің автоматтандырылған жүйесін енгізуге міндетті болады және біз сіздермен онлайн режимде шығарындыларды көре аламыз. Осы мәселе бойынша біздің ірі ластаушыларымыз өте қатты толқуда. Сондай-ақ, экологиялық заңнаманы жетілдіру бойынша жұмыс жалғасып жатыр», - деп атап өтті спикер.
Министрлік сондай-ақ экологиялық ақпаратты цифрландыру бойынша жұмыс жүргізуде, бірыңғай экологиялық портал әзірленді. Кәсіпорындардың өндірістік экологиялық мониторингінің 3 мыңнан астам есебі цифрландырылды және автоматтандырылды. Табиғат пайдаланушылардың санаттылығын анықтау тәртібі автоматтандырылды, әзірге олардың 27 мыңы тіркелген және жұртшылық үшін қолжетімді қоғамдық тыңдаулардың электрондық порталы құрылды.