«Инновациялық өнімді сатудан түскен жалпы табыс 16 млрд теңгені құрады. 5,2 млрд теңге -төленген салық көлемі. 1400-ден астам жұмыс орны құрылды. Жобаларды жеке қаржыландыру өкінішке орай, әзірге, 18% шамасында. Бірақ 350 млн теңгеге ғылымды қажетсінетін қазақстандық өнім экспортталды. Бұл өте үлкен көрсеткіш, 30-дан астам ғалымымыз 340 млн теңгеге авторлық өтем алады, яғни өз әзірлемелерінен royalty. Осы мүмкіндікті пайдаланып, барлық бұқаралық ақпарат құралдарының өкілдерін нақты ғылыми жобалардың барлық нәтижелері ұсынылған көрмені тамашалауға шақырамын», - деп атап өтті спикер.
Көрме ғылымды коммерцияландыру форумы, «Жаңа Қазақстан - қуатты ғылым» ғалымдар форумы аясында өтеді.