04.05.2022 _ 14:00

БҒМ: Оқуға түсуге арналған 9 квота бар

Орталық коммуникациялар қызметінде өткен брифингте спикерлер оқуға түсуге арналған жеңілдіктер, квоталар туралы толық ақпарат ұсынды. Жалпы, ауылдық, әлеуметтік осал топқа арналған және қандастар квотасы сияқты негізгі 9 квота бар.
БҒМ: Оқуға түсуге арналған 9 квота бар

«Көп балалы отбасылардан шыққан балаларға 5% квота, толық емес отбасыларға - 1%, бала кезінен мүгедек баланы тәрбиелеп отырған отбасылардан шыққан балалар үшін 1% квота, қандастарға арналған 4%, жетім балаларға арналған 1%, ҰОС қатысушылары мен мүгедектеріне теңестірілген адамдар үшін 0,5%, ауыл жастарына - 30%, «Серпін» бағдарламасы бойынша 10% квота және мүгедек балалар үшін 1% квота бар. Бұл квоталар бойынша өзгерістер жоқ. Әдеттегідей бұл топтардан шыққан балалар үшін гранттар беріледі.

Мүгедек және жетім балаларға келсек, былтыр да, оның алдындағы жылы да осы топтан шыққан балалар грантпен қамтылды. Биыл да осы бағыттағы жұмыс жалғасады», - деді ҚР БҒМ Жоғары және жоғары оқу орнынан кейінгі білім департаменті директоры Әділет Тойбаев.