Оның айтуынша, ел аумағынан қара және түсті металдардың сынықтары мен қалдықтарын шығаруға уақытша шектеу қою – бұл тактикалық шара. Ал стратегия – бұл елімізде 2010 жылдан бастап жүзеге асырылып жатқан индустрияландыру саясаты.
«Негізгі міндеттердің бірі – шикізаттан мүмкіндігінше дайын өнім шығару. Шикізат дегеніміз не? Бұл - алюминий, мыс, қорғасын, қара металдар, сондай-ақ металл сынықтары. Сынықтан не аламыз? Бұл алюминий радиаторлары, терезе профильдері, автомобиль дискілері, кабельдер мен сымдар. Автомобиль қозғалтқыштарын іске қосуға арналған қорғасын аккумуляторлар. Ең басты шикізат – бұл қара металл сынықтары, темір. Бұл халық, өнеркәсіп тұтынатын көп тараған тауар. Мысалы, арматура. Біз оны үй құрылысында пайдаланамыз. Құбырлар мұнай-газ саласында қолданылады. Яғни, операциялық кезеңде және оларды тасымалдау кезінде», - деді ведомство өкілі.