«АӘК алушылар құрылымында басым көпшілігі балалар үлесіне тиесілі – 63% немесе 623,9 мың адам. 181,6 мың адам – жұмыс істейтін азаматтар; 101,4 мыңнан астам адам – балаларды, қарт адамдарды, мүгедектігі бар адамдарды күтетін адамдар; 31 мың адам –студенттер, мүгедектігі бар азаматтар – 15 500 астам, өзін-өзі жұмыспен қамтығандар, жұмыссыз азаматтар - 23,7 мың адамды құрап отыр. Биылғы 1 мамыр жағдайына сәйкес атаулы әлеуметтік көмек алып отырған 571 мың адамның 63,6%-ы немесе 363,1 мыңы 18 жасқа дейінгі балалар. Бұл ретте жүргізілген талдау нәтижелеріне сәйкес, АӘК алушы отбасылардың 99%-ында кемінде бір баласы болады. Көмек алушы отбасылар арасында көп балалы отбасылар саны 40%, яғни 44 966 көп балалы отбасы құрайды», – деп атап өтті Асқар Ниязов.
27.05.2022 _ 11:50
АӘК алушылардың басым бөлігі балалар
Өңірлер бөлінісінде өткен жылдың қорытындысы бойынша АӘК алушылардың ең көп саны Шымкент қаласында – 47,2 мың отбасы (23,8%), Түркістан облысында – 42,9 мың отбасы (21,7%) және Алматы облысында – 22,6 мың отбасы (11,4%) бар. АӘК алушылар саны ең аз өңірлер қатарында Солтүстік Қазақстан облысы - 2,7 мың отбасы (1,3%) және Атырау облысы – 1,6 мың отбасы (0,8%). Басқа өңірлердегі жағдай бірқалыпты. Орталық коммуникациялар қызметі алаңында ҚР ЕХӘҚМ Әлеуметтік көмек департаментінің директоры Асқар Ниязов осындай мәліметтерді келтіріп өтті.
