«Соңғы 40 жылда Қазақстан аумағында орташа жылдық ауа температурасының өсу қарқыны әр 10 жыл сайын +0,32°С жоғарылап отырды, бұл жалпы жер шары бойынша ауа температурасының өсу қарқынынан әлдеқайда көп. 2021 жыл Қазақстандағы ең жылы бес жыл қатарына енді. Өзгеріс енгенге дейінгі орташа жылдық температурадан 1,5°С артық болды. Ауа температурасының орташа мәндері көтеріліп қана қоймай, жаз мерзіміндегі аптап ыстықтың қайталанушылығы да артып келеді. Құрғақ аймақтарда жаңбырсыз кезеңнің максималды ұзақтығы, максималды тәуліктік жауын-шашынның түсу жиіліктері де айтарлықтай артуда. Жалпы республика аумағы бойынша күндізгі және түнгі аяздардың жиілігі төмендеуде, әсіресе республиканың батысы мен солтүстік-шығысында қатты аязды күндер саны азаюда; вегетациялық кезеңнің ұзақтығы артып, солтүстікте және оңтүстік-шығыста жауын-шашынсыз кезеңнің максималды ұзақтығының қысқаруы байқалады», - деді спикер.