«Өңірде аграрлық университет базасында өңірдің әлеуетін пайдалана отырып, етті мал шаруашылығындағы өнімділікті арттырудың ғылыми негізделген тәсілдері дайындалуда. Сонымен қатар Мемлекет басшысының суармалы жерлерді ұлғайту жөніндегі тапсырмасына сәйкес, облыста 5 жылда суармалы жер алаңын 44 мың га дейін арттыру жөнінде Жол картасы бекітілді. Биыл 5 100 га суармалы жерді қолданысқа енгізіледі», - деді спикер.
Батыс Қазақстан облысының артықшылықтарының бірі – таза экология. Осы артықшылықты әрі қарай дамыту үшін жыл сайын ауаны тазартуға байланысты жаңа жобалар енгізіледі. Мысалы, былтыр пластик құбырларды, полистиролдан жасалған қаптарды және тамақ қалдықтарын өңдеу қолға алынды.