Мектептердің инфрақұрылымын жақсарту. Биыл 83 мектептің материалдық-техникалық базасы жаңартылады. Мектептерге арналған 28 пән кабинеті мен 29 мектеп автобусы сатып алынады.
«Қазір 27 мектепте 2,4 млрд теңгеге күрделі жөндеу жұмыстары жүргізілуде. 3 жыл ішінде 301 нысанды жөндеуге 14 млрд теңге бағытталды. Осылайша, облыстағы барлық мектептердің 70%-ы жаңартылады. Айта кету керек, республика бойынша облыс мектептерді жөндеуге көп қаражат бөледі. Облыста мұғалімдер тапшылығы мәселесі іс жүзінде шешілді. Бұл Президенттің тапсырмасы бойынша педагогтардың жалақысын арттырудың арқасында мүмкін болды», - деп атап өтті өңір басшысы.