«Абайдың оңтүстігі мен Әл-Фарабидің солтүстігіне қарай тұрғын үй ғимараттарының қабат саны парапеттің жоғарғы жағына дейін ең жоғары биіктігін 35 метрден асырмай, 9 қабатқа дейін шектелді және жайлылығы III кластан төмен емес тұрғын үй ғимараттарының параметрлерін қолдану белгіленді. Сонымен қатар, біз осы жылдың 1 тамызынан бастап қаланың Қала құрылысы кеңесінің қызметін жаңа форматта қайта бастауды жоспарлап отырмыз. Онда іске асыруға ұсынылатын қала құрылысы және сәулет жобалары бойынша шешімдер тәуелсіз сарапшыларды тарта отырып, ашық талқылау арқылы қабылданатын болады», - деді Алматы әкімі Орталық коммуникациялар қызметінде өткен брифингте.