«Биыл 27 маусымда қоғамдық талқылау үшін Даму жоспарының негізгі басымдықтарының жобасы жарияланды. Жоспар 13,6 мыңнан астам қаралым жинады. Біз 400-ге жуық адамнан 1280 пікір мен жауап алдық. Ұсыныстардың басым бөлігі жайлы қалалық ортаны құруға және экология мен абаттандыру мәселелеріне қатысты болды. 4 шілдеде «Даму жоспарының негізгі басымдықтары» таныстырылды және мәслихат депутаттары мен сыртқы сарапшылардың қатысуымен өткен Қоғамдық кеңес отырысында мақұлданды. Алматыны дамытудың негізгі басымдықтарын іске асыру жөніндегі жоспар алдағы 2 айдың ішінде – 5 қыркүйекке дейін бекітілетін болады», - деді Е.Досаев.