«Мысалы, біз жер учаскесін береміз, ЖАО-ның қолданыстағы тетіктері арқылы инженерлік желілерді жүргіземіз, сол арқылы жеке құрылыс салушылармен шаршы метр тұрғын үйдің белгілі бір пулын мемлекетке қол жетімді бағамен беруге келісеміз. Біз бұл механизмді жүйелі негізде жүзеге асырамыз. Үлескерлердің мәселесі де шешілуде. Бұл мәселе де Мемлекет басшысының бақылауында. Президенттің тапсырмасы бойынша құрылысқа қаражат бөлінді. Бүгінгі таңда 16 мың үлескердің 13 мыңының проблемасын шештік, жалпы алғанда, біз бұл мәселені концептуалды түрде шештік деп айтуға болады. Бұл уақыт мәселесі - бұл үйлерді аяқтау керек. Бұл мемлекеттік қаржы және қайтарымды, біз оны мемлекетке қайтаруымыз керек. Қайтару кестесі бар. Бұл жерде инвесторларды да тартамыз. Мысалы, «Садовый квартал», «Аниса» ТК - мәселені тек жеке инвестициялар есебінен шешеміз. Мемлекет өз қамқорлығына алды деп айтуға болады, өйткені бұл азаматтық-құқықтық қатынастар. Құрылысшылар, өкінішке орай, тұрғындардың да, мемлекеттің де сенімін ақтамады. Бізге проблемалар тудырды», - деп түйіндеді әкім.
08.07.2022 _ 14:40
А. Көлгінов: үлескерлер - мемлекеттің қамқорлығында
50 мыңға жуық астаналық әлеуметтік тұрғын үй кезегінде тұр. Соңғы 3 жылда шаршы метр құрылысының көлемі еселеп өсіп, 10 мың пәтерге жетті. Бәрі бірдей бюджет есебінен емес, жеке инвесторларды тарту арқылы да салынып жатыр. Мемлекет пен бизнес арасындағы серіктестік кезектілікті жеңілдетуге көмектеседі. Нәтижелі механизм туралы Орталық коммуникациялар қызметі алаңында өткен брифингте әкім Алтай Көлгінов айтып берді.
