Наурыз айынан бастап өлім-жітімнің бірлі-жарым жағдайы тіркелуде, шілде айында КВИ-мен ауырған 3 науқас қайтыс болды.
«Соңғы аптада ауырған адамдардың 70%-ы 3 аймақта тіркеліп отыр, олар Алматы, Нұр-Сұлтан қалаларында және Қарағанды облысында. Сырқаттанушылықтың өсуіне қарамастан, науқастарды ауруханаға жатқызу деңгейі төмен. Бүгінгі күні КВИ бойынша стационарлық көмек 180 инфекциялық ауруханада көрсетіледі, қуаты 4500 төсек-орын болатын резервте 20 мың төсек-орын бар. Бүгінде 1342 пациент емдеуге жатқызылды, төсек-орынның қамтылуы 30%-ды құрайды. Стационарлық емделіп жатқан пациенттерге талдау жүргізілді. КВИ-мен ауырып стационарлық емделіп жатқан пациенттердің ішінде 18 жасқа дейінгі балалар 36,3%-ды құрайды. Ересек пациенттер 63,7%-ды құрайды», - деді спикер.