"Биыл Петропавлда әкімдіктер мен мемлекеттік қызметкерлер арасында үлкен байқау өткіздік. Одан кейін Жетісу облысында ауыл жастарының ойындары өтті. Сондай-ақ, бүгін Нұр-Сұлтанда министрліктер қызметкерлері арасында спартакиада өтті. Қыркүйек айында Шымкентте нашар еститіндер арасында республикалық спартакиада өтеді. 1 қыркүйекте Түркістанда "Тұран барысын" өткізуді жоспарлап отырмыз. Сондай-ақ, 15-30 қыркүйек аралығында көпкүндік бәйге марафонын өткізу жоспарда бар. Ол Нұр-Сұлтанда басталып, Қарағанды, Ұлытау облыстары арқылы өтеді. Бұл марафонның жалпы қашықтығы – 1 200 шақырым. Әр облыстан 20 команда қатысады", - деді Бекболат Байжанов.
Оның айтуынша, бүгінде елімізде 6,5 млн адам спортпен жүйелі түрде шұғылданады. Бұл республика тұрғындарының жалпы санының 34,2% құрайды.