«Экологиялық мәселелерді кешенді шешудің Жол картасында 29 іс-шара қарастырылған. оның ішінде бүгінгі таңда 8 іс-шара орындалды. Атап айтқанда, жасыл желектерді паспорттау жұмысы жүргізілді. 16 мың га алқапқа жасыл желек отырғызылмақ, қазірдің өзінде 162 га алқапқа сексеуіл егілді. Сондай-ақ жеке секторды газдандыру бойынша жұмыстар жүргізілуде. Бүгінде үйлердің 93%-ы газбен қамтылған, жыл соңына дейін бұл көрсеткішті 94%-ға дейін жеткізу жоспарланып отыр. Кең таралған пайдалы қазбалар карьерлерін өңдеу кезінде бүлінген жерлерді қалпына келтіру бойынша жұмыстар қолға алынды. 3 кен орны рекультивацияланды, 8 - рекультивациялау процесінде. Құрылыс қалдықтары полигоны үшін оларды одан әрі өңдеу үшін жер учаскесі бөлінді», - деді Жолдасов.