«Каталог деректерді толтыру тәртібінде жұмыс істейді. 1 шілдеден бастап мемлекеттік сатып алуда тауарлардың техникалық ерекшеліктерін қалыптастыру функционалы қолжетімді. Қазірдің өзінде каталогтан шамамен 16 мың техникалық ерекшелік қалыптастырылды. Бүгінгі күні 2000-нан астам пайдаланушы тіркелді. 461 мың тауар енгізілді», - деді спикер.
Оның айтуынша, биыл каталогты тауарлармен толтыру және Тауарлардың электрондық каталогынан сатып алынатын тауарлар тізбесін кеңейту бойынша жұмысты күшейту жоспарланған. Сондай-ақ, тауарларды модерациялау процесі үшін нейро желілерге негізделген машиналық оқыту технологияларын қолдану көзделген.